Հուշ- Երեկույթ՝ << Մեր Ժամակակակից Մեծ Երաժիշտն Ու Նվիրեալ Ազգասէրը՝ Համբարձում Ք․ Ճապուրեան>> Նորատիպ Գրքի Շնորհանդեսը

Հոկտեմբրի 22-ի երեկոյան Գլենդելի Սբ․ Գրիգոր Լուսավորիչ Հայ Կաթողիկե եկեղեցու հանդիսությունների սրահի մեջ տեղի ունեցավ Հուշ- երեկույթ՝ << Մեր ժամակակակից մեծ երաժիշտն ու նվիրեալ ազգասէրը՝ Համբարձում Ք․ Ճապուրեան>> նորատիպ գրքի շնորհանդեսի առիթով։ Երեկույթին, հանուն Առաջնորդ Սրբազան Հոր՝ Գերաշնորհ Տեր Հովնան Արք․ Տերտերյանի, իր մասնակցությունը բերեց Արժանապատիվ Տեր Նժդեհ Քհն․ Քեշիշյանը։

Հնչեցին ելույթներ գրքի հեղինակի և խմբագրի կողմից, արձագանքներ ներկաների կողմից,  ինչպես նաև երաժշտական կատարումներ։ Տեր Նժդեհ Քհն․ Քեշիշյանն ընթերցեց Հովնան Սրբազանի ողջույնի և գնահատանքի խոսքն ուղղված գրքի հեղինակին, մեկենասին և ներկաներին։ Սրբազան Հոր նամակի մեջ արձանագրված էին գնահատանքի բարձր խոսքեր ուղղված անվանի երաժիշտ Համբարձում Ք․ Ճապուրյանի վաստակին՝ հայ երաժշտության պահպանման և տարածման սրբազան գործում՝ հատկանշելով, որ իր դուդուկի հոգեպարար հնչյուններով Համբարձում Ք Ճապուրյանն արտահայտեց մեր ժողովրդի խորունկ ապրումներով ու կարոտը՝ հայ և օտար ունկնդիրների առջև բացահայտելով հայ երաժշտության ինքնատիպ գեղեցկությունը։

Հավարտ երեկույթի գեղարվեստական մասի՝ կատարվեց գինեձոն։

Դիվան Առաջնորդարանի