Ապրիլ 22-ին, տեղի ունեցաւ Հայոց Ցեղասպանութեան յիշատակի ոգեկոչման ձեռնարկը Providence St. Joseph Medical Center-ի մէջ։ Այս առիթով, Սրբոց Ղեւոնդեանց Մայր Տաճարի հոգեւոր հովիւ Արժանապատիւ Տէր Խաժակ Քհնյ. Շահպազեան ընկերակցեցաւ Թեմի Առաջնորդ Գերաշնորհ Տէր Յովնան Արքեպիսկոպոս Տէրտէրեանին։ Նշեալ բժշկական հաստատութիւնը, ամէն տարի իրենց մասնակցութիւնը կը բերէ Ապրիլեան ոգեկոչումներուն՝ ընդգծելով յիշողութեան, մարդասիրութեան եւ համերաշխութեան կարեւորութիւնը, ինչպէս նաեւ իրենց զօրակցութիւնը յայտնելով հայկական համայնքին։ Ձեռնարկը տեղի ունեցաւ յարգանքի եւ հոգեւոր լռութեան մթնոլորտի մէջ, վերահաստատելով պատմական յիշողութիւնը ամրագրելու եւ մարդկային արժէքները պահպանելու անհրաժեշտութիւնը։
