»Հոգեւոր Ճանապարհորդութիւն« վերնագրով այս գիրքը, հեղինակութեամբ՝ Հիւսիսային Ամերիկայ Արեւմտեան Թեմի Առաջնորդ՝ Գերշ. Տ. Յովնան Արք. Տէրտէրեանի, արժան եւ իրաւ է բնորոշումը, որովհետեւ մեր Փրկչին Յիսուս Քրիստոսի յարութիւնը կանխող այն մեծ տօնին նախօրեակի քառասուն օրերու ընթացքին, Եկեղեցւոյ կողմէ ճշդուած, պահեցողութեան օրերը իրապէս ճանապարհորդութիւն մըն են առ Աստուած, բայց այդ ճանապարհին նաեւ, ու ամենակարեւորը, հոգեւոր ինքնաքննութեան, ինքնասրբագրումի, ու մանաւանդ՝ հոգեւոր արթնութեան ու պատրաստութեան ամենագեղեցիկ առիթն է, որ տրուած է Աստուծոյ պատկերն ու նմանութիւնը կրող մարդուն: