Ներկայ Գ. գիրքը մեր երանաշնորհ Հոգեւորականներուն նուիրուած, կը լրացնէ քսաներորդ դարու մեր Սրբազան Առաջնորդներուն ընծայուած երախտիքը՝ անոնց վարչական եւ գրական մեծ վաստակով օժտուած։ Դժուար ժամանակներու անձնուէր հերոս հոգեւորականները եղան անոնք, թիւով 40, բաղդատմամբ մերօրեայ նուիրեալներուն, որոնք նուազագոյն բարիքներով եւ քաղաքական ահաւոր պայմաններու մէջ ապրելով, բանիւ եւ գործով, վերակերտեցին Հայ Եկեղեցին անցեալ դարուն՝ աշխարհով մէկ։