Ահաւասիկ երկլեզու կարեւոր հրատարակութիւն մը, որ սիրով կը տրամադրուի մեր բոլոր հաւատացեալ ընտանիքներուն: Հրատարակութիւն մը, որ ծրագրուած եւ պատրաստուած է յատկապէս փոքրերու եւ պատանիներու համար, որպէսզի անոնք, պատանի տարիքին, սկսին ծանօթանալ Քրիստոնէական Կրօնքի պատմութեան որոշ էջերուն, Աստուծոյ Պատուիրաններուն կամ Օրէնքներուն, Հայ Եկեղեցւոյ դաւանանքին, Եկեղեցւոյ եւ անոր ծիսական զանազան օգտակար նիւթերուն, կրօնական սկզբունքներուն եւ արժէքներուն: